Surdulli: Duhet të kemi kujdes me kushtëzimin e investimeve kapitale

Gjilan – Tek shqyrtimi dhe aprovimi i rregullores komunale për kushtëzime të investimeve kapitale varësisht nga shkalla e pagesës së tatimit në pronë, Kryetari i komunës së Kamenicës, Shaip Surdulli, tha se duhet të kihet kujdes ngase me aprovimin e kësaj rregulloreje mund të dëmtohen vendbanimet e varfra rurale të cilat kanë numër të vogël të banorëve dhe shkallë të ulët të pagesës së tatimit në pronë.

Komiteti për Politikë e Financa të mërkurën ka mbajtur mbledhjen e radhës derisa janë shqyrtuar dhe miratuar procesverbali nga mbledhja e kaluar e Komitetit për Politikë dhe shqyrtimi i raportit gjashtë mujor për buxhet dhe financa, pastaj shqyrtimi i propozimit për marrjen e vendimit për shqyrtimin publik të Planit për Ndikimin Mjedisor për PZHK dhe PZHU, shqyrtimi dhe aprovimi i rregullores komunale për kushtëzime të investimeve kapitale varësisht nga shkalla e pagesës së tatimit në pronë, dhe shqyrtimi i mundësisë së lirimit nga pagesa e banimit të nxënësve në konviktin e nxënëseve të shkollave të mesme.

Tek shqyrtimi dhe aprovimi i rregullores komunale për kushtëzime të investimeve kapitale varësisht nga shkalla e pagesës së tatimit në pronë, Kryetari i komunës së Kamenicës, Shaip Surdulli, tha se duhet të kihët kujdes ngase me aprovimin e kësaj rregulloreje mund të dëmtohen vendbanimet e varfra rurale të cilat kanë numër të vogël të banorëve dhe shkallë të ulët të pagesës së tatimit në pronë.

Pos pikave të parapara të rendit të ditës, delegatja Sadushe Agaj, nga radhët e PDK-së, kërkoj që të sillet informata mbi përfundimin e vitit shkollor 2012/2013 dhe përgatitjet e bëra për fillimin e vitit shkollor 2013/2014, ndërsa, Drejtoria për Kulturë, Rini dhe Sport, kishte kërkesë mbi subvencionimin e klubeve sportive, si dhe Shqyrtimi i Propozim-Vendimit për emërimin e koordinatorit të këshillave lokale./rajonipress/