Surdulli: 100 vjetori e gjen Kamenicën me të arritura të shumta

Gjilan – Kryetari i Komunës së Kamenicës, Shaip Surdulli, ka uruar qytetarët e komunës së Kamenicës për 100 vjetorin e Pavarësisë së Shqipërisë dhe ditën e flamurit kombëtarë .

Në mesazhin e kreut të Komunës së Kamenicës, thuhet se 28 Nëntori është datë historike, datë e rikthimit të identitetit kombëtar dhe e krenarisë mbarëkombëtare.

“Në ngjarje të tilla të mëdha, duhet t’i kujtojmë dhe t’i përulemi burrave të mëdhenj të kombit si Ismail Qemali, Isa Boletini, Hasan Prishtina, Luigj Gurakuqi, e shumë kolosëve të tjerëve”.

Ky 100 vjetor i shtetit shqiptar, vazhdon urimi i kryetarit Surdulli, e gjen edhe Kamenicën me të arritura të shumta. “Është shënuar progres në të gjitha fushat e jetës. Jeta e qytetarit po përmirësohet nga dita në ditë, falë angazhimit të vazhdueshëm të të gjitha strukturave komunale. Ju siguroj se përvjetorët e tjerë të Pavarësisë, do të shënohen në një komunë ku do të ketë shumë më shumë rrugë të asfaltuara, më shumë hapësira gjelbëruese, në një vend me më shumë mirëqenie për qytetarët, më pak të papunë, e me më shumë perspektivë për të rinjtë”, thuhet ndër të tjera në urimin e kryetarit të Kamenicës, Shaip Surdulli./rajonipress/