Supersportistja përgatitet për një supervit
RajoniPress
09:14, 27 Dhjetor, 2012
Prishtinë – Majlinda Kelmendi ka dyshime kur jep vlerësime për vitin 2012. Thotë se ai ishte edhe i suksesshëm edhe zhgënjyes e i mundimshëm.
Por, sportistja më e mirë në Kosovë nuk ka dyshime kur flet për të ardhmen. Është e vendosur që vitin tjetër të tregojë sukses në kampionatin botëror dhe evropian për seniore.
Kelmendi, 21-vjeçare, ka fituar medalje gati në të gjitha garat ku është paraqitur gjatë vitit 2012.
Por, medalje nuk fitoi në garën kryesore të vitit – në Lojërat Olimpike. Për sukseset e shumta gjatë 2012-s, Kelmendi të martën u zgjodh supersportiste e vitit nga Grupi KOHA .
