Super Lenjani, penallti dhe asistim për Rennesin

Ermir Lenjani i ka treguar trajneri të tij te Rennes, se e meriton pozitën e titullarit tek skuadra franceze.
Në ndeshjen miqësore të luajtur në Gjermani, mes skuadrës Ulm dhe Rennes, futbollisti fantastik i Kombëtares së Shqipërisë, Ermir Lenjani ka startuar dhe ka shkëlqyer në këtë sfidë.

Ndeshja përfundoi në barazim 3-3, ndërsa Lenjani ka qenë më i miri në fushë. Fillimisht ‘Di Maria shqiptar’, kishte rast të mirë shënimi por goditja e tij shkoj afër shtyllës së majtë të portierit vendas.

Disa minuta më vonë, Ermiri depërtoi bukur në zonë dhe u pengua për të akorduar gjyqtari penallti të cilën në gol e konkretizoi Ola Toivonen, transmeton Telegrafi.

Lenjani përsëri ishte fantastik në krahun e majtë. Ishte minuta e 22-të e ndeshjes kur harkoi në mënyrë fantastike në zonë dhe Toivonen shënoi edhe golin e dytë në ndeshje.

Paraqitja e Lenjanit ndaj skuadrës Ulm, është vlerësuar lartë nga mediat franceze, ndërsa kujtojmë që ai është duke u kërkuar me ngulm nga disa skuadra evropiane, mirëpo Rennes e vlerëson rreth katër milionë euro. /Telegrafi/