Super-lajm për Xherdan Shaqirin para derbit Tottenham – Liverpool

Liverpooli udhëton sot drejt “Tottenham Hotspur Stadium” për t’u përballur me Tottenhamin, skuadër ndaj të cilës ka një avantazh prej 28 pikësh në renditjen tabelore të Premierligës.

Një fitore e sotme nga Liverpooli do të ishte e pesta me radhë ndaj Tottenhamit, gjë e cila do të vendoste rekord jo vetëm në Angli, por edhe në në historinë e kampionateve të mëdha në Evropë, shkruan Zëri.info.

Jose Mourinho do të donte të ishte njeriu i parë këtë edicion që ia mbaron Liverpoolit ecurinë pa humbje këtë edicion.

Për ndeshjen e sotme, trajneri Jurgen Klopp ka marrë disa lajme të mira nga stafi mjekësor.

Mbrojtësi Joel Matip dhe mesfushori Xherdan Shaqiri janë kthyer në stërvitje të plota këtë javë.

Së bashku me ta, edhe Alex Oxlade-Chamberlain, mund të rikthehet pas rikuperimit nga lëndimi.

Pavarësisht, rikthimit, mesfushori nga Kosova, Shaqiri nuk pritet të luajë sot nga minuta e parë./Zëri.info