Sulmuesi i Milanit: Ajeti është mbrojtësi që më ka shkaktuar më shumë problem

Patrick Cutrone ka lavdëruar mbrojtësin e Kombëtares shqiptare, Arlind Ajeti, për të cilin tha se është më i vështiri me të cilin është përballur.

Sulmuesi i Milanit, Cutrone ka thënë se Arlind Ajeti ia ka nxirë jetën gjatë takimit të tyre këtë sezon në Serie A.

“Mbrojtësi më agresiv? Ajeti i Crotones, më ka nxirë jetën gjatë gjithë ndeshjes”, tha Cutrone.

Ai po ashtu ka lavdëruar edhe trajnerin e tij Gennaro Gattuso, i cili po bën punë të mirë në ndeshjet e fundit.

“Trajneri Gatuzo gjithmonë më jep këshilla të rëndësishme, duhet të mbajmë grupin e bashkuar. Unë si Inzaghi? Është pak herët që të krahasohem me të”, u shpreh në fund italiani. /Express