Sulmuesi i Kosovës, Atdhe Nuhiu: Mentalitet fituesi çdo ndeshje, me Malin e Zi ndeshje e fortë

Sulmuesi i Kosovës, Atdhe Nuhiu ka theksuar se ndeshja me Malin e Zi është e rëndësishme sikur edhe duelet paraprake.

Ai i respekton kundërshtarët dhe kërkon që në cdo ndeshje të futemi me mentalitetin e fituesit.

“Po shpresojmë të kemi rezultat të mirë edhe me Malin e Zi. Ndeshja ndaj Gjibraltarit është test dhe parapërgatitje për Malin e Zi”.

Nihu gjatë stërvitjeve të fundit me Kosovën (Foto: FFK-Kosova)

“Në Podgoricë kemi treguar cilësitë tona, por Mali i Zi ka ekip të fortë. Gjithsesi ne luajmë në shtëpi ku e kemi përkrahjen e madhe të shikuesve”.

“Do të futemi me mentalitet fituesi dhe duam të marrim pikët e plota. Edhe ndaj Malit të Zi do të luajmë me filozofinë dhe mentalitetin që e kishim deri më tash”, ka thënë Nuhiu.

“Dardanët” nesër do ta zhvillojnë stërvitjen e fundit para ndeshjes kundër Gjibraltarit, që zhvillohet të enjten në orën 18:00 në stadiumin “Fadil Vokrri”.

Shpërndaje.
© RAJONIPRESS