Sulmojnë patrullën e policisë me mjete të forta, të dyshuarit në arrati

Gjilan – Policia e Kosovës, stacioni në Novobërdë, gjatë patrullimit në realizim të urdhëresave të Gjykatës kanë shkuar në fshatin Parallovë. Një kamion “Mercedes” me targa vendore në të cilin ndodheshin së paku dy persona me të vërejtur automjetin e policisë është shmangur me shpejtësi në drejtim të shtëpisë së tyre kanë hyr nëpër oborr dhe më pastaj njëri nga të dyshimtit e ka marrë një mjet të fortë dhe ka tentuar t`i sulmoj policët.

Të dyshimtit kanë arritur t`i shmangen arrestit duke ikur në drejtim të pa njohur për momentin njoftoj Ismet Hashani zëdhënës i policisë.

Hashani tha se Policia e Kosovës, stacioni i Novobërdës, në bazë të urdhëresës të lëshuar nga Gjykata kanë kryer bastisjen e shtëpisë së të dyshuarit në fjalë ku është gjetur një pushkë gjuetie e tipit “Kalibo” 12 mm, prodhim Italian me 10 (dhjetë) copë fishek.

Arma kishte të skaduar lejen që nga viti 2010. Arma dhe municioni janë konfiskuar nga policia. Dy të dyshimtë të njohur për policinë, janë në kërkim.

Është kontaktuar prokurori i shtetit i cili urdhëron që rasti të shkon në Prokurorinë Shtetërore për vepra të rënda penale armë mbajtje pa leje./rajonipress/