Sulmohet në zyrën e tij avokati Ramadan Leka

Gjilan – ( E plotesuar). Sulmi ndaj Ramadan Lekës, avokat, i cili ka ndodhur në vendin e tij të punës, ka ngjallë reagimin e Kolegjiumit të Gjyqtarëve të Gjykatës Themelore në Gjilan. Në reagimin e nënshkruar nga Zyhdi Haziri, kryetar i Gjykatës, rasti është dënuar dhe është thënë se organet e hetuesisë duhet të veprojnë dhe rastin ta zbardhin sa më shpejt që është e mundur.
————————————————————–
Ramadan Leka avokat nga Gjilani është sulmuar nga persona të panjohur në zyrën e tij dhe në prani të vajzës. Shemsedin Piraj kryetar i Odës së avokatëve të Anamoravës tha se kjo është shumë shqetësuese , meqë dëshmon se ka një pasiguri totale ndaj figurave publike.

Avokati gjilanas Ramadan Leka është sulmuar nga persona të panjohur në zyrën e tij në prani të vajzës së tij. Lajmin për rajonipress e ka konfirmuar kryetari i Odës së Avokatëve të Anamoravës, Shemsedin Piraj.

Piraj tha se është informuar nga bashkëshortja e Lekës se ai është sulmuar në zyrën e tij dhe në prani të familjareve nga persona tash për tash të panjohur. Piraj tha se ky rast është shumë shqetësues dhe Oda e Avokatëve reagon ashpër dhe kërkon nga organet hetuese të marrin masa urgjente për të sjellur para drejtësisë personat që rrahën avokatin Leka.

Kurse shefi i Emergjencës në Gjilan , Enver Murtezi i cili edhe e ka kontrolluar avokatin Leka tha për rajonipress se Leka është i lënduar në fytyrë, në kokë, në hundë, në pjesën ballore të fytyrës.

Sipas Murtezit, Leka ka plagë të qara dhe është goditur me mjete të forta- mprehta. Mjeku tha se Leka është sulmuar nga dy persona të panjohur , të mërkurën paradite në zyrën e tij./rajonipress/