Sulmohet me granatë dore shtëpia e drejtorit të RTK’së

Është sulmuar me granatë të dorës shtëpia e drejtorit të Radio Televizionit të Kosovës, Mentor Shala.Persona tash për tash të panjohur e kanë hedhur granatën e dorës në shtëpinë e Shalës në Matiqan.

Policia aktualisht ndodhet në vendin e ngjarjes duke bërë ekzaminimin e provave.

Sulmi ka ndodhur rreth orës 22 e 10 minuta, ndërsa nuk ka viktima, bën të ditur RTK.

Ditë më parë, objekti i RTK’së është sulmuar me granatë dore, nga persona ende të panjohur. /Express/

Mentor Shala thotë se ndodhej me tërë familjen në shtëpi kur u sulmua me granate dore, s’ka të lënduar
Mentor Shala thotë se ndodhej me tërë familjen në shtëpi kur u sulmua me granate dore, s’ka të lënduar

Drejtori i RTK-së Mentor Shala konfirmon se shtëpia e tij në Matiçan është sulmuar me një mjet shpërthyes e që supozohet të jetë bombë dore.
Sipas tij shpërthimi ka qenë i fuqishëm, ndërsa bomba është gjuajtur prapa shtëpisë.

“Shpërthimi ka qenë i fuqishëm, që ka tronditur tërë lagjen. Mjeti shpërthyes është hedhur prapa shtëpisë sime. Në shtëpi kemi qenë e gjithë familja. Fatmirësisht nga ky shpërthim askush nuk është lënduar”, tha Shala për KosovaPress.

Ai po ashtu konfirmoi se Policia ka gjetur siguresën e mjetit shpërthyes për të cilin ende nuk ka konfirmim zyrtar se për çfarë mjeti bëhet fjalë.

Shala nuk ka dashur që të komentoj ëmë shumë rreth rastit ndërsa tha se Policia është në vendin e ngjarjes duke hetuar për rastin