Sulmi ndaj Republikanëve, sulm ndaj demokracisë!

Kryesia e Partisë Republikane, për Bujanoc, Preshevë dhe Medvegjë, ashpër ka reaguar ndaj personave të papërgjegjshëm, të cilët, natën e 26 dhjetorit, rreth orës 22,00, thyen dritaret e zyrës së kësaj partie.

Një akt të tillë vandal, Partia Republikane e gjykon dhe kërkon nga organet kompetente, të zbardhet rasti dhe aktorët e kësaj vepre qyqare të nxirren para drejtësisë dhe të marrin dënimin e merituar.

Pavarësish se nga cilat anë kanë ardhur sulmuesit, për Partinë Republikane, ky është një veprim i papranueshëm, i ulët dhe anticivilizues dhe si i tillë është kundër demokracisë dhe lirisë së mendimit politik, thuhet në reagimin e PR, të nënshkruar nga kryetari i saj, Avdil Ramadani./rajonipress/