Sulm me shufër hekuri në Gjilan, një person përfundon në QKUK

Gjilan – Një person ka pësuar lëndime trupore pas një sulmi që dyshohet se ka ndodhur pas një mosmarrëveshjeje në Gjilan. Sipas Policisë, viktima mashkull kosovar ka raportuar më 23 qershor se një ditë më parë, rreth orës 18:45, ishte sulmuar nga një person tjetër me shufër hekuri.

I dyshuari, sipas raportimit, e ka goditur viktimën disa herë në kokë, duke i shkaktuar lëndime trupore. Për shkak të gjendjes së tij, viktima është dërguar në Qendrën Klinike Universitare të Kosovës (QKUK) për trajtim mjekësor.

Policia ka arrestuar të dyshuarin, ndërsa me vendim të prokurorit ai është dërguar në mbajtje. Rasti po hetohet si “Lëndim i lehtë trupor”./rajonipress/