Sulejmani: “Shpresoj se ju kemi bërë krenarë”

Sulejmani ka falënderuar tifozët që i qëndruan pran Kombëtares U 21. Presin fitore edhe kundër Gjermanisë U21. Valmir Sulejmani, anësori i Hannover 96 II të Gjermanisë, ka falënderuar “Dardanët” për mbështetjen në “Adem Jashari”, aty ku Kosova U-21 fitoi 2-0 kundër Azerbajxhanit U-21.

“Shpresojë t’ju kemi bërë krenar me paraqitjen tonë, gjithashtu shumë faleminderit për Dardanët që qëndruan në kushte të rënda atmosferike gjatë gjithë kohës. Shumë faleminderit për të gjithë shqiptarëve që na dhuruan mbështetje. Shpresojmë ta mposhtim edhe Gjermanin. Forca Kosovë”, ka shkruar talenti shqiptar i klubit gjerman në rrjetet sociale.

Kosova gjendet në Grupin 5 me 10 pikë në pozitën e tretë, aq sa ka Islanda në pozitën e dytë, ndërsa lider është Gjermania me 15 pikë, me këtë të fundit do të përballet me 27 mars. /Gazeta Express/