Suksesi në Ligën e Kombeve e vendos Kosovën vetëm 4 pozita poshtë Shqipërisë në webfaqen e njohur
RajoniPress
08:50, 26 Nëntor, 2018
Kombëtarja e Kosovës në futboll, së fundi ka shënuar sukses të jashtëzakonshëm. Në kuadër të Ligës së Kombëve, në fazën e grupeve Kosova përfundoi si fituese e grupit 3 të Ligës D, shkruan gazetametro.net.
Nga gjithsej gjashtë ndeshje, Kosova shënoi 4 fitore dhe 2 barazime.
Me këtë rast, ‘Dardanët’ edhe thyen një rekord, pasi që shënuan 15 gola në fazë të grupeve, më shumë se cilado kombëtare tjetër në garë.
Kosova tani renditet në pozitën e 84-të në ‘World Football Elo Ratings’, e cila publikohet nga faqja eloratings.net
Kështu, Kosova është ngritur për 33 pozita më lartë nga viti i kaluar.
Kujtojmë që Kombëtarja e Kosovës ka siguruar fazën e play-offit të Ligës së Kombeve ku do të takohet me Maqedoninë në gjysmëfinale.
