Suedia e fortë për Dardanët U19

Në një mot të ftoftë e me borë u zhvillua ballafaqimi i dytë në kuadër të grupit të 3-të në Maind Round për Evropianin 2023, ku Kombëtarja U19 e Kosovës pësoi humbje nga Kombëtarja U19 e Suedisë, me rezultat 3:0.

Dardanët arritën të mbrohen mirë nga sulmet e pareshtura të suedezëve në pjesën e parë deri në minutën e 38-të, kur Swedberg arriti të shënojë nga afërsia përballë mbrojtjes krejtësisht të shthurur të dardanëve për 1:0.

Me këtë rezultat përfundoi edhe pjesa e parë. Hiq më mirë nuk nisi as pjesa e dytë, ku suedezët mbizotëruan plotësisht, patën më shumë nga loja, ndonëse edhe Dardanët patën disa rase por nuk i shfrytëzuan.

Ndërkaq, Amar Abdurrahman Ahmed shënoi dy herë. Së pari shënoi në minutën e 67-të dhe më pas në minutën e 73-të.

Kështu edhe u përmbyllë ndeshja e dytë e Dardanëve, të cilët të mërkurën më 23 nëntor do të takohen me Qipronë në ndeshjen e fundit e cila zhvillohet në orën 18.00./rajonipres/

Shpërndaje.
© RAJONIPRESS