Suad Kryeziu fitues i vrapimit “Gjilani 2013”

Gjilan- Në vrapimin e qytetit “Gjilani 2013” që mbahet për nder të demonstratave të vitit 1981 fitues i vendit të parë doli Suad Kryeziu nga seniorët dhe Gresa Bakraqi nga senioret.

Qyteti i Gjilanit edhe njëherë ka organizuar për mrekulli vrapimin “Gjilani 2013” që i dedikohet demonstratave të viti 1981. Para se të niseshin vrapuesit, Veton Nevzati drejtor për kulturë , rini e sporte tha se ky vrapim është mënyra më e mirë se si do të duhej të kujtohet vepra e studentëve të vitit 1981.

Këtë ngjarje e ka përshëndetur edhe Halil Sylejmani kryetar i Federatës së Atletikës së Kosovës.

Vrapimi është zhvilluar në shtegun e gjatë 11300 metra për senior dhe seniore, për juniore 4300 dhe pionier 2000 metra, kurse veteranët 4300.

I pari nga ky shteg në kategorinë e seniorëve doli Suad Kryeziu nga klubi atletik Rogana i cili vrapoj për 38.07 minuta kurse në seniore Gresa Bakraqi për 47.03 sekonda.

Vendi i dytë për senior i takoj Xhavit Tahirit nga Mitrovica, vendi i tret i takoj Lumbardhë Shalës nga Podujeva. Kurse në kategorinë e senioreve vendi i dytë i takojë Arbenita Raca nga Podujeva dhe vendi i tretë Fjolla Mërgata nga Peja.

Në kategorinë e juniorëve dolën këto rezultate: Shkurte Shala vendi i tretë Podujeva, Antigona Shala vendi i dytë nga Podujeva, Brikena Bakraqi vendi i parë Pejë.

Në kategorinë e juniorëve : Leutrim Ibrahimi vendi i tretë – Prishtinë, Florim Begaj Malishevë vendi i dytë dhe Valentin Sadiku vendni i parë nga Mitrovica.

Në kategorinë e pioniereve dolën këto rezultate. Vendi i parë i takojë Rita Hajdinit nga Podujeva, vendi i dytë Laura Hyseni nga Mitrovica dhe vendi i tretë Albana Seferi nga Mitrovica.

Në kategorinë e pionierëve dolën këto rezultate: Vendi i tretë i takoj Irfan Krasniqit nga Prishtina, vendi i dytë Qëndrim Hotit nga Malisheva dhe vendi i parë Qlirim Hysenit nga Mitrovica.

Në mënyrë solemne kupat ua dorëzuan fituesve Veton Nevzati, Bali Sahiti, Zenun Pajaziti, dhe Halil Sylejmani./rajonipress/