Studimi: Kanceri është një fat i keq, nuk varet nga mënyra e jetesës

Në të shumtën e rasteve disa lloje të sëmundjes së kancerit janë thjesht fati i keq. Shfaqja e tyre në kokë, qafë dhe në vezore nuk është si pasojë e stilit të të jetuarit, të ushqyerit dhe stresit, por një gabim që ndodh në ADN, kur qelizat ndahen gjatë jetës së një njeriu në moshë mesatare.

ë këtë përfundim arritën kërkuesit e Universitetit Amerikan të Mjekësisë John Hopkins në Shtetet e Bashkuara. Në studimin e prezantuar në revistën “Science”, “Shkenca”, kërkuesit thonë se grumbullimi i mutacioneve, gjatë transferimit të gabuar të informacionit nga një qelizë në tjetrën, rrit rrezikun e rritjes së qelizave në mënyrë të pakontrolluar.

Kjo sipas tyre është shkaku i kancerit, një e dhënë që deri më tani nuk ishte e njohur për mjekësinë. Kjo tezë e diskutueshme hedh poshtë shumë studime që vlerësojnë se shkaktarët e tumoreve janë stili i jetesës dhe stresi.

Në këtë studim nuk janë të përfshira kanceri i fytit, tiroides, mushkërisë, melçisë dhe zorrës së trashë që si shkaktare njohin mënyrën e jetesës, ndërsa për rastet e tjera është thjesht fati i keq.