Studimi: Ftohja e zakonshme mund të të mbrojë nga COVID

Mbrojtja nga ftohja e zakonshme sezonale mund të krijojë mbrojtje edhe nga COVID-19.

Studimi i botuar në Nature Communications sugjeron që 52 persona, pjesë e studimit, të cilët kanë banuar me të infektuar, kanë pasur gjasë më të vogël të infektimit.

Kjo për shkak se ata sapo kanë kaluar ftohjen e zakonshme dhe janë krijuar qelizat imune që nevojiten për të luftuar ftohjen por edhe virusin COVID.

Megjithatë, sipas studimit, kjo nuk duhet të mirret si e mirëqenë, duke sugjeruar që patjetër të bëhet injektimi i vaksinës anti-COVID.

Ekipi i Kolegjit Imperial në Londër donte të kuptonte më mirë pse disa njerëz infektohen me Covid pasi janë ekspozuar ndaj virusit dhe të tjerët jo, shkruan BBC.

Ata e fokusuan studimin e tyre në një pjesë thelbësore të sistemit imunitar të trupit, qelizat T.

Disa nga këto qeliza T vrasin çdo qelizë të infektuar nga një kërcënim specifik, për shembull, një virus i ftohtë.

Dhe, pasi të ketë kaluar i ftohti, disa qeliza T mbeten në trup si një bankë memorie, gati për të ngritur një mbrojtje kur ata të ndeshen më pas me virusin.

Qelizat T të trupit synojnë proteinat e brendshme të virusit, të cilat nuk ndryshojnë aq shumë nga varianti në variant, që do të thotë se vaksinat që përdorin më nga afër punën e qelizave T mund të ofrojnë mbrojtje më të gjerë dhe më afatgjatë kundër COVID-it.