Studentja e UBT-së, Majlindë Jahiu pjesë e kompanisë prestigjioze në Gjermani

Studentja në Fakultetin e Shkenca Kompjuterike dhe Inxhinieri, në UBT, Majlindë Jahiu ka disa muaj që është punësuar në Kompaninë e Telekomunikacionit “SAP Innovation Center Network”, në Gjermani, e cila merret me zhvillimin të softuerëve për ndërmarrje të mëdha.

Stdentja Jahiu kishte aplikuar për punë praktike në shumë biznese gjermane, teksa tregoi se i janë njohur studimet dhe njohuritë e fituara në UBT.

“Si bursiste e këtij programi kam filluar punën në këtë kompani, ku aktualisht po merrem me zhvillim dhe implementim të rasteve të ndryshme të testimit të softuerit. Po ashtu, mbështes edhe ekipet e mbikëqyrjes së sistemeve dhe sigurisë”, është shprehur ajo.

Tutje, theksoi se UBT është qendër rajonale për studime në shkenca kompjuterike, sepse siç tha ajo, ketë më së miri e dëshmon përqindja e madhe e studentëve të cilët janë kyçur në tregun vendor e ndërkombëtar të punës.

“UBT është mundësia më e mirë që ofrohet në tregun e arsimit në Kosovë. Është institucion i mundësive dhe i zhvillon studentët si nga ana akademike dhe praktike me projekte të ndryshme që ofrohen”, tha Jahiu.

Ajo ka inkurajuar të gjithë studentët të shfrytëzojnë mundësitë që ofrohen nga UBT-ja, pasi që siç tha ajo, UBT është institucion i zhvillimit profesional./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).