Studentët e Juridikut vizitojnë Komandën e Policisë së Kosovës në Gjilan

Gjilan – Këshilli Studentor nga Fakulteti Juridik, “Kadri Zeka” në Gjilan, viti i parë i studimeve me rreth (30) tridhjetë student, të hënën kanë vizituar Komandën e policisë së Kosovës në Drejtorinë Rajonale në Gjilan.

Si rrjedhojë e kontributit të vazhdueshëm në lëmine e informimit dhe bashkëpunimit si pjesë e aktiviteteve të cilat dalin nga Strategjia e Policimit në Bashkësi, Kolonel Elmina Mahmuti ka mbajte një ligjëratë informuese, për punën dhe sfidat me të cilat ballafaqohet Policia e Kosovës në rajonin e Gjilanit.

Në këtë bashkë bisedim me studentët kanë dominuar kryesisht temat duke përfshirë dukuritë negative në shoqëri, duhani, alkooli, drogat, dhuna ndaj bashkëmoshatarëve, krimet kibernetike, Kodi i Drejtësisë për të mitur, pasojat dhe rreziku nga mbajtja dhe përdorimi i mjeteve te rrezikshme-armët, siguria ne komunikacionin rrugor.
Interesimi i studentëve për të njohur institucionin e sigurisë – Policinë e Kosovës ka qenë jashtë zakonisht i madhe, çka edhe janë shtruar edhe pyetje nga ma të ndryshmet.
Policia e Kosovës është e përkushtuar që të punoj sa më tepër me të gjitha nivelet edukative dhe arsimore dhe të krijoj siguri dhe ambient prosperues për të gjithë thuhet në njoftimin e Ismet Hashanit./rajonipress/