Studentët e Juridikut në UBT përfitojnë nga përvoja në institucionet gjyqësore

Prishtinë – Studentët e vitit të dytë drejtimi juridik kanë qëndruar për një vizitë profesionale në instituc9ioinet gjyqësore duke përfshirë Gjykatat e Prokuroritë.

Studentët që janë udhëhequr nga ligjëruesi Lavdrim Krasniqi kanë pasur rastin të njihen me përvojat dhe punën e gjyqësorit dhe prokurorisë. Studentët për të qenë më të përgatitur profesionalisht kanë pasur rastin të jenë edhe pjesë e një seance gjyqësore, ku janë njoftuar drejtpërdrejtë me të gjitha detajet që përshkruhet një seancë gjyqësore.

Gjithashtu studentët e juridikut janë pritur në takime të ndryshme dhe nga gjyqtarë e prokuror si dhe stafi përcjellës e menaxhues i këtij institucioni, ku në detaje është elaboruar pjesa teorike dhe praktike që zbatohet në këto fusha.

Ligjëruesi Lavdrim Krasniqi e sheh si shumë pozitive vizitën e studentëve pasiqë sipas tij fusha juridike ndërlidhet në të shumtën e rasteve edhe me pjesën praktike.

Edhe dekani i Juridikut Ardian Emini thotë se UBT-ja po ju ofron kushte studentëve të kësaj dege, duke pasur mundësi që ata të njihen më afër edhe me sfidat që sjellë pjesa praktike./rajonipress/