Studentë të shumtë plot entuziastë dhe të motivuar nisën vitin e ri akademik 2023/24 në programe të ndryshme në UBT

Dekanët e Fakulteteve dhe profesorët mirëpritën studentët në ambientet frymëzuese të UBT-së, duke u dëshiruar atyre fat dhe mbarësi në rrugëtimin akademik dhe profesional.

Rektori i UBT-së, Prof. Dr. Edmond Hajrizi u ka dëshiruar mirëseardhje studenteve të rinj në botën akademike, duke shprehur bindjen se ata që nga dita e parë do të angazhohen me intensitet të plotë për të nxënë dijet e reja, rrugë në të cilën UBT-ja do t’i ndihmoj me të gjitha kapacitetet e saj.

“Në këtë vit të ri akademik le të përfshihemi më thellë në mësim, le të eksplorojmë sfida të reja dhe le të rrisim aftësitë tona në mënyrë që të jemi gati të ndërtojmë një të ardhme të ndritur. Ne jemi të gatshëm për një vit të plotë me sfida dhe suksese, dhe UBT është vendi ku ëndrrat dhe ambiciet bëhen realitet”, tha Rektori Hajrizi.

Studentët e UBT-së kanë përpara sfida të reja dhe mundësi të shkëlqyeshme për të zhvilluar aftësitë e tyre dhe të kontribuojnë në zhvillimin e shoqërisë dhe vendit.