Strezoci e Krileva vazhdojnë me AKR-në

Kamenicë – Aleanca Kosova e Re në Kamenicë, e ka filluar procesin zgjedhor me kuvendet e mbajtura në Krilevë dhe Strozoc. Të dy këto lokalitete në zgjedhjet e fundit lokale e nacionale AKR-ja i pati fituar bindshëm, ndërsa përkrahja për këtë subjekt u vërtetua edhe në kuvendet brendapartiake.

Kryetari i degës së AKR-së Fatmir Matoshi ka kërkuar përfshirjen e të rinjëve në këtë proces zgjedhor, dhe marrjen e përgjegjësive nga ta për të drejtuar partinë në këto lokalitete. “Ju sot do të zgjidhni kryesitë e nëndegëve të cilat do të jenë në mandat në vjeshtën e vitit 2017, kur AKR-ja do të marrë besimin qytetar për ta qeverisur komunën. Kërkoj që mbështetja në këto lokalitete të arrij në mbi 80% sepse na duhet një mundësi për ta ndryshuar komunën tonë” ka thënë Matoshi.

Në Krilevë kryetar i nëndegës është zgjedhur Florim Demolli, i cili para kuvendit është zotuar se do të punojë gjithnjë për të mirën e Krilevës dhe së bashku me kryesinë do të angazhohen që AKR-ja të qeverisë edhe me komunën. Gjithashtu janë zgjedhur edhe organet e tjera të nëndegës si dhe delegatët për kuvendin e degës.

Në Strezoc kryetar i nëndegës u zgjodh Heset Rama, ai falënderoj delegatët për besimin e dhënë dhe njëkohësisht u zotua se Strezoci ashtu siç pati zhvillime pozitive nga bashkëqeverisja e AKR-së në komunë, do të ndryshoj për të mirë shumë herë më tepër kur bartëse e pushtetit lokal të jetë kjo parti./rajonipress/