Stërshitësit e historisë (Prozë poetike)

Eh, sa vaji plasi duke u munduar të qepnin petkun e historisë, të cilin na e kishin shitur në tregun e mashtrimeve e kur ne kishim besuar se mallrat ishin të freskëta.

Ku ta dinim ne se aty ishin mbledhur stërshitësit e betejave e po jepnin e blinin krejt çka mund të shitej e po e bënin të dukej ndryshe krejt atë që mund të ndryshohej.

Mezi shpëtuam gjallë, nga rrethimi i hienave, teksa po thurnim faqe të reja historie në një kullë baroti, aty ku tashmë kanë mbetur vetëm gjurmët e gurëve të rrënuar dhe një urë që lidh kujtimet e ushqen gurrën e historisë.
Kush ishin stërshitësit e historisë?!

Ramadan Mehmeti