Stanishori mikpritës i garave të Motoçiklizmit në nivel shtetëror

Klubi i Motoçiklizmit nga Gjilani “MC 06”, për herë të shtatë është nikoqirë i garave në nivel Republikan, ku garat do të mbahet në fshatin Stanishor në periferi të qytetit të Gjilanit.

Kjo garë atraktive e motorizmit mbahet nën patronatin e Federatës së Motoçiklizmit të Kosovës, duke u vlerësuar në fund me pikë kampionale.

Pas lirimit të masave nga Ministria e Shëndetësisë dhe mbështetjes së Federatës së Motoçiklizmit të Kosovës, klubi i Motokrosit “MC 06” nga Gjilani, organizon garat tradicionale “Ilir Balaj e Manuel Herzog” në katër kategori të ndryshme:
1. E Juniors Class (Kadetet e rinj)
2. E1-125cc 2t 2t-250cc 4t
3. E2 250cc 2t – 450cc 4t
4. E3 Hobi nën 18 vjeç dhe mbi 40 vjeç

Drejtori Sportiv i Klubit të Motorizmit “MC 06” njëherit i cili është edhe drejtor sportiv në FMKS, Alban Beqiri, është mjaft krenar që qyteti dhe klubi i tij janë nikoqirë për herë të shtatë të këtyre garave.

“Ky organizim i garave për qytetin e Gjilanit dhe për klubin tonë do të thotë shumë, po dëshmojmë se kemi kualitet si në organizimin e garave poashtu edhe terrenin e Motorizmit, shpresojmë se mbi 50 garues do të marrin pjesë në këto gara ndërsa interesimi i dashamirëve të Motorizmit është tejet i madh ku pritet një numër rekord i shikuesve, sa i përket ne si klub që tani jemi të gatshëm të fillojmë garat dhe çdo garuesi i dëshirojmë plasman të mirë ku pritet të jetë një konkurrencë e jashtëzakonshme”.

Garat do të mbahen me 11 tetor 2020 duke filluar në ora 9:00.