Srpska “shkrihet” pas Ditës së Pavarësisë

Dy javë pas shkarkimit të ministrit për Komunitete dhe Kthim, Aleksandër Jabllanoviq, deputetët dhe ministrat e listës “Srpska” po vazhdojnë të mos kthehen në institucionet e Kosovës.

Ky subjekt politik që përkrahet nga Qeveria e Serbisë ka vendosur t’i “ngrijë” të gjitha aktivitetet politike në institucionet e Kosovës pas largimit nga ekzekutivi të Jabllanoviqit, duke paralajmëruar se shumë shpejt do të vendosin për veprimet e tyre politike. Megjithatë një vendim i tillë nuk është marrë nga 26 janari, kur është larguar Jabllanoviq./zeri/