Viti – Unë kam vendosur që mandatin tim si këshilltar i Kuvendit Komunal të Vitisë ta vazhdoj ndaras nga Grupi i këshilltarëve komunal të PDK-së, por që do të vazhdoj të jem pjesë e Partisë Demokratike të Kosovës, për të cilën kam dhënë shumë kontribut e derdhur shumë djersë ka shkruar Samet Idrizi.
Postimi i plotë i Samet Idrizit
Të nderuar miq, anëtarë dhe simpatizant të Partisë Demokratike të Kosovës, Dega në Viti
Dua të ju njoftoj se për shkak të devijimit programor dhe ideo- politik të kryetarit të PDK-së në dega në Viti dhe Grupit të PDK-së (këshilltarëve komunal), të cilët kohëve të fundit janë bërë bashkëpunëtorë të Grupit të këshilltarëve komunal të VV-së për çështje të kuvendit komunal, ku këshilltarët e Vetëvendosjes, të cilët vazhdimisht nuk kursejnë fjalët më të rënda për kryetarin e partisë Kadri Veseli dhe në anën tjetër gjoja po bashkëpunojmë me këshilltarët opozitarë të PDK-së, unë kam vendosur që mandatin tim si këshilltar i Kuvendit Komunal të Vitisë ta vazhdoj ndaras nga Grupi i këshilltarëve komunal të PDK-së, por që do të vazhdoj të jem pjesë e Partisë Demokratike të Kosovës, për të cilën kam dhënë shumë kontribut e derdhur shumë djersë.
Pra, unë nuk mund të lejoj që të bashkëpunoj dhe të bëhem pjesë e atyre të cilët e shajnë dhe ofendojnë përditë kryetarin Veseli. Kësisoj, unë duke i qëndruar konsistent vullnetit politik të votuesve të PDK-së, meqenëse për shkak të parregullsisë së procesit të brendshëm zgjedhor të PDK-së në Viti nuk kam marrë pjesë në të, vazhdoj të mbetem anëtar dhe votues i partisë, por jo nën një kulm me ata të cilët për interesa lokale bashkëpunojnë me ofenduesit e papërmirësueshëm të kryetarit Veseli dhe për interesa personale janë të gatshëm të mbyllin sytë dhe veshët, para sharjeve që bëhen për liderin tim dhe të tyre, këta përçajnë dhe shkatërrojnë Partinë Demokratike në Viti ka thënë në reagimin e tij Samet Idrizi./rajonipress/
