Sqarohet Riza Abdyli i PDK-së

Gjilan – Sqarim për qëndrimin e PDK-së në lidhje me propozim vendimi për caktimin e lokacionit për zyrat e gjendjes civile në Gjilan. Shefi i grupit te këshilltarëve të LDK nuk e paska kuptuar pse anëtarët e PDK-së në KPF kanë votuar kundër. Por, fatmirësisht janë të regjistruara takimet e KPF, andaj ndiej obligim të sqaroj qytetarët e Gjilanit thuhet në reagimin e Riza Abdylit.

Postimi i plotë

Personalisht, në parim kam paraqitur qëndrimin e PDK pro kësaj pike, mirëpo aty e pamë dhe u lexua një deklaratë nga ana e udhëheqjes së shkollës “Selami Hallaqi” dhe këshillit të prindërve që ishin kundër ndarjes të një pjese të oborrit të shkollës për ndërtimin e kësaj qendre, në lagjen Dardania në Gjilan.

Aty kërkova që lokacioni për lagjen Arbëria të kalojë, ndërsa lokacioni për lagjen Dardania të shtyhet për një kohë derisa të caktohet një lokacion i pranueshëm. Mirëpo propozimi im nuk gjeti mbështetje nga ana e partisë në pushtet, kështu që për shkakun e ankesave nga udhëheqja e shkollës dhe këshilli i prindërve për lagjen Dardania kjo pikë e rendit të ditës nuk mori votat e mjaftueshme për t’u rekomanduar për seancën e radhës.

Pra, që të jemi të qartë, PDK nuk është kundër rregullimit të zyrave të gjendjes civile në dy lagjet e qytetit, por ato bëhen për qytetarin dhe nëse qytetari është kundër ne do ta përkrahim qytetarin e jo pushtetin. Kështu qe ky problem do të sqarohet në ditët në vazhdim thuhet në reagimin e Riza Abdylit./rajonipress/