Spiunëve serb nga një muaj paraburgim

Gjilan – Në Gjykatën Themelore në Gjilan është mbajtur të shtunën seanca dëgjimore ndaj dy serbëve të dyshuar për veprën penale spiunazhi, Sasha Nikoliq dhe Dalibor Gjorgjeviq nga Koretishta e Novobërdës. Gjykatësi Ilmi Dalipi u ka caktuar nga një muaj paraburgim serbëve të dyshuar.

Dy serbët e dyshuar për veprën penale “spiunazhi” janë sjellur në Gjykatën Themelore të Gjilanit për tu dëgjuar para gjykatësit të procedurës paraprake Ilmi Dalipi.

Serbët e dyshuar, Sasha Nikoliq (1971) dhe Dalibor Gjorxheviq (1986) nga fshati Koretishtë e Novobërdës kanë marrë nga një paraburgim nga ana e gjykatësit Ilmi Dalipi. Paraburgimi serbëve të dyshuar u është caktuar me kërkesën e Prokurorisë Themelore në Gjilan.

Ilmi Dalipi tha për rajonipress se serbëve të dyshuar pas ofrimit të provave nga ana e Prokurorisë, Departamenti i krimeve të rënda u ka caktuar masën e paraburgimit prej një muaji.

Ndryshe serbët e dyshuar ishin arrestuar nga policia e Gjilanit nën dyshime spiunazhi pasi janë kapur derisa po fotografonin disa objekte, përfshirë atë Forcës së Sigurisë së Kosovës./rajonipress/