Spitali i Gjilanit shënon ditën e infermierisë

Gjilan – Në një takim që ka pasur Abdylatif Latifi me infermieret e spitalit në Gjilan ka thënë se përkrahja për këtë kategori nuk do të mungojë si në aspektin profesional ashtu edhe në përmirësimin e kushteve të punës.

Për të shënuar ditën e infermierisë menaxhmenti i spitalit të Gjilanit ka organizuar një pritje ku është folur për rolin dhe avancimin e këtij profesioni në spitalin e Gjilanit.

Drejtori i spitalit të Gjilanit Abdylatif Latifi ka thënë para infermiereve se infermieria kosovare gjatë viteve është ngritur në cilësi dhe profesionalizëm. ”Infermieria sot gjendet në kushte më të mira pune siç janë ato profesionale, edukative dhe materiale. Synimi ynë është që përkrahja e tyre në çdo aspekt si në atë profesional ashtu edhe në përmirësimin e kushteve të punës mos të mungoj “ ka thënë Latifi./rajonipress/