Spitali i Gjilanit kërkon një oftalmolog të ri

Gjilan – Drejtori i spitalit të Gjilanit Abdylatif Latifi thotë për rajonipress se mjekët tanë oftalmolog deri me tani nuk kanë arrit që t`i qojnë deri në fund synimet tona sidomos në aspektin operativ, ku ende një numër i konsiderueshëm i qytetarëve tanë kërkon tretman operativ në klinikën e syve në Prishtinë.

Latifi thotë se në kuadër të planifikimeve në ngritjen e cilësisë së shërbimeve shëndetësore dhe ofrimi i shërbimeve cilësore dhe sa më afër qytetarit tonë ne si menaxhment kemi marr qëndrimin që të hapen edhe njësi të reja pran spitalit tonë siç është rasti me repartin e oftalmologjisë apo repartin e syve siç e njohin qytetarët tanë.

Latifi tha se kemi bërë një investim solid në ketë repart afërsisht diku mbi 150 mijë euro në pajisjen me aparaturë mjekësore dhe kemi siguruar hapësirën e mjaftueshme dhe sa për fillim kemi caktuar edhe një ditë operative. “Por me keqardhje e them se synimet tona si menagjment nuk janë përcjellë edhe me punën e profesionistëve shëndetësor. Mjekët tanë oftalmolog deri me tani nuk kanë arrit që t`i qojnë deri në fund synimet tona sidomos në aspektin operativ, ku ende një numër i konsiderueshëm i qytetarëve tanë kërkon tretman operativ në klinikën e syve në Prishtinë”.

Latifi tha se ne i kemi mbështetur edhe në trajnime të ndryshme, por kam informacione se kemi kuadro tani të diplomuara në këtë lëmi dhe ndoshta do të ishte një prej zgjidhjeve pranimi në punë i një oftalmologu të ri i cili kishte me sjellë energji të reja që edhe ky repart të punoj me kapacitet të plotë. Për këtë na duhet mbështetje dhe leje nga drejtori i përgjithshëm i shërbimit spitalor universitar tha Latifi./rajonipress/