Spitali i Gjilanit bëhet me analizator imunologjik

Gjilan – Spitali i Gjilanit fal një donacioni të kompanisë “Boatech” ka përfituar një analizator imunologjik i cili i punon shumicën e analizave që kanë lidhje me prejardhjet kancerogjene thotë Behar Uka shef i laboratorit në spitalin e Gjilanit.

Pacientët gjilanas tash e tutje nuk kanë nevojë të bredhin e të bëjnë analiza në shtetet jashtë Kosovës apo në qendrat rajonale spitalore. Kompania “Boatech” i ka dhuruar një donacion Spitalit të Gjilanit në vlerë të 14 mijë eurove .

Behar Uka shef i laboratorit në spitalin e Gjilanit tha për rajonipress se analizatori Imunologjik është një aparat shumë i vlefshëm dhe i domosdoshëm për çdo qendër spitalore.”Tani pacientët tanë kanë mundësi që këtu t`i kryejnë të gjitha analizat e që më herët ka qenë e pamundur të kryhen në Gjilan. Ky aparat mund t`i punojë analizat që lidhen me hormonet e qendrës tiroide, FT3, FT4, TSH, pastaj tumorët, kanceri i gjirit, CA5, kanceri i prostatës e shumë analiza tjera që vërtet i ndihmojnë pacientët që mos të bredhin poshtë e lartë” tha Uka.

Uka tha se posa të hyjë në përdorim kjo teknologji spitali i Gjilanit mund të radhitet ndër spitalet me një aparaturë moderne, bazuar dhe krahasuar me ato të vendeve të rajonit./rajonipress/