Spinaqi do të jetë ndihma e fundit për të humbur në peshë, thuhet në studimin e fundit. Shkencëtarët në universitetin “Lund” në Suedi kanë zbuluar një ekstrakt në spinaq, i cili gjendet në membranat e gjetheve të gjelbra, e quajtur “thylakoids”, e cila ndikon në humbjen në peshë për 43 për qind.
Zbulimet e tyre ata i kanë bazuar në analizat e rreth 38 femrave me mbipeshë.
Dëshira apo malli për ushqimin shtyn njerëzit që të konsumojnë ushqime të dëmshme, përfshirë këtu ëmbëlsira dhe ushqim të shpejtë.
Studimi tregon se marrja e substancës “thylakoids” shtyn trupin të prodhojë hormonet që mposhtin dëshirën për më shumë ushqim, që ndihmon të kemi një kontroll më të mirë të oreksit, konsumim dhe shprehi më të shëndetshme në ushqim dhe me këtë rast nxitet humbja në peshë.
Profesoresha Charlotte Erlanson-Albertsson, e cila kishte marrë pjesë në studim thotë: “Analizat tona tregojnë se konsumimi para kafjallit i lëngut që përmban substancën “thylakoids”, redukton dëshirën apo mallin që ju ka marrë për ushqim dhe gjatë gjithë ditës ju mban të kënaqur dhe të ngopur”.
