Spektakli futbollistik përfundon pa fitues

Gjilan – Derbi i shumë përfolur i qytetit të Gjilanit në mes Gjilanit e Dritës nuk nxori fitues, golat u shënuan në fillim të ndeshjes dhe në fund të saj.

Spektakli i përgatitur nga tifozët “Skifterat” dhe “Intelektualëve” meriton notën më të lartë, gjatë tërë ndeshjes me animet e tyre përkrahën klubet e zemrës së tyre.

Stadiumi i qytetit në Gjilan edhe kësaj radhe u vërejt se kur të ndeshën këto dy klube është i vogël për të zënë shikuesit të cilët në këtë ndeshje ishin rreth 13.000.

Futbollistët e Gjilanit ishin ata të cilët në minutën e 4 shënojnë në portën e Dritës.

Pas gabimit të Gëzim Gashit, këtë më së miri e shfrytëzoj Betim Haxhimusa i cili merr një top nga 35 metra vërsulet drejt portës duke gjetur portën e portierit të Dritës Betim Halimit.

Gjatë tërë ndeshjes ndeshja u zhvillua në mes të fushës pa aksione konkrete.

Futbollistët e Dritës kanë mundur të shënojnë në minutën e 80, kur rezervisti Alban Shillova me kokë gjuan nga 13 metra godet horizontalen e portierit të Gjilanit Donat Kaciut.

Kur të gjithë menduan se derbi do të mbyllet me fitoren e Gjilanit, ashtu nuk mendon sulmuesi i ardhur në Dritë Përparim Livoreka i cili nga 10 metra në minutën shtesë atë të 96 shënon golin e barazimit duke sjell skuadrës së tij një pikë të vlefshme.

Stadiumi i qytetit në Gjilan
Shikues – 13.000
Arbitra- Nuza, Berisha, Selimaj, Tahiri.
Kartona të verdhë- Kastrati, Rusi , Eminhaziri (Gj).Sejdiu, Kastrati, Livoreka, Berisha,

Gjilani- Kaciu, Kastrati, Bekteshi, Thaqi (Hyseni), Blakqori, A.Thaqi, Shabani (Azemi), Haxhimusa, Aliu(Eminhaziri), Mustafa, Rusi

Drita- Halimi,Rexhepi (Shillova), Haliti, Dragusha, Gashi, Sejdiu, Kastrati (Berisha), Ramadani, Livoreka Nexhipi(Kuka) Murati./rajonipress/