Specialja në “duart” e Qeverisë
As këtë javë Kuvendi i Kosovës nuk pritet të trajtojë çështjen e Gjykatës Speciale.Kryetari i Kuvendit, Kadri Veseli ka thënë sot pas mbledhjes së kryesisë se, për këtë çështje fillimisht duhet të merret Qeveria e cila duhet t’ia procedojë Kuvendit të Kosovës amendamentet Kushtetuese
Ai ka shfaqur besimin se kësaj radhe deputetët e Parlamentit do të reflektojnë duke përfshirë këtu edhe deputetët e PDK-së dhe t’i thonë “PO” Gjykatës Speciale me qëllim që të ruhet partneriteti me faktorin ndërkombëtare e në veçanti me SHBA-në.
Ndryshe, më 26 qershor deputetët e Kuvendit të Kosovës i thanë Jo, miratimit të ndryshimit të amendamentit 24 të Kushtetutës, përmes të cilit do të hapej rruga për themelimin e Gjykatës Speciale, transmeton zeri.info.
Në sallë ishin 116 deputetë, prej tyre 84 pranuan të votojnë për pro ose kundër kësaj themelimit të Gjykatës Speciale. Prej 84 deputetëve, 75 votuan pro, 7 kundër, kurse 2 abstenuan.
Vlen të theksohet se për të kaluar votimi, do duhej që të votonin pro 81 deputetë. /Zëri/