Sot protestojnë punëtorët e ish ndërmarrjeve shoqërore

Gjilan – Të gjitha ndërmarrjet shoqërorë dhe punëtorët e saj në Gjilan do të protestojnë të enjten (sot) kundër procesit të privatizimit i cili në Anamoravë fatkeqësisht vetëm dëme ka sjellur thotë Aziz Azizi kryesindikalist.

Aziz Azizi, kryetar i Sindikatave të Rajonit të Anamoravës tha se protesta është gati dhe se pret pjesëmarrje të madhe të ish punëtorëve.

Ai tha se protesta mbahet në qendër të qytetit (para teatrit) dhe ka për qëllim të bëjë trysni mbi AKP që të paguaj të gjitha borxhet dhe obligimet e mbetura ndaj ish punëtorëve, raporton rajonipress.

Azizi tha se procesi i privatizimit siç është bërë deri më tani ka qenë i gabuar dhe i dëmshëm për ekonominë kosovare dhe se një proces i tillë e ka dëmtuar më së shumti Rajonin e Anamoravës, duke dëmtuar rëndë edhe klasën punëtore.

”Askush nuk është kundër procesit të privatizimit, apo kundër Agjencionit Kosovar të Privatizimit (AKP), por në formën që është bërë, deri më tani, ky proces, jo që nuk i ka përmbush synimet, por ai ka qenë shkatërrues për ekonominë e vendit” tha Azizi.

Ndryshe kërkesat e kësaj proteste janë që ish punëtorëve tu paguhen pagat e mbetura, të krijohet fondi social dhe që të nis likuidimi i ndërmarrjeve shoqërore , meqë në Anamoravë asnjë prej tyre deri tani nuk e ka përfunduar këtë proces tha Azizi. /rajonipress/