Soni Malaj zëvendëson Rozana Radin në ‘Dance With Me’

Rozana Radi, e cila ka dëmtuar këmbën dhe për këtë arsye nuk ka mundur të kërcejë në këtë mbrëmje të “Dance With Me”, është zëvendësuar nga mikesha e saj Soni Malaj.

Soni ka kërcyer në episodin e mbrëmshëm të spektaklit si partnerja e këngëtarit Sabri Fejzullahu dhe i ka uruar shërim të shpejtë Rozanës në mënyrë që të rikthehet sa më shpejt në spektaklin e kërcimit.

Gjatë performancës së saj, Soni ka treguar se përkushtimi i saj për palestrën ka dhënë efektet e duhura. Muskujt e barkut aq të definuar dhe trupi i saj, edhe pse këngëtarja është nënë e një vajze tashmë, të linte pa fjalë.