Soni Malaj mbështet rivalen e mikeshës së saj të ngushtë Rozana Radit!

Këngëtarja Soni Malaj tash e disa vite ruan një miqësi shumë të ngushtë me kolegen e saj Rozana Radi, e cila njëherit njihet edhe si tekstshkruese e shumë këngëve të Sonit.

Ato kanë një raport shumë të mirë mes vete, teksa së fundmi kemi pasur rastin t’i shohim bashkë edhe në “Kënga Magjike 2016”, ku për asnjë çast nuk e ndanë njëra nga tjetra.

Por, jo çdo herë mes artistëve ka miqësi, nëse qëndrojmë tek Rozana mund të kujtojmë raportet e saj të prshura me këngëtaren Rezarta Shkurta, me të cilën nuk flet tash e disa vite.

Megjithatë rivaliteti i tyre nuk ka ndikuar aspak tek Soni, e cila mesa duket ruan një miqësi shumë të mirë me të dyja.

Këtë gjë e vërteton edhe vet fakti që ajo ka publikuar së fundmi një pjesë të këngës më të re të Rezartës “Gjysma Ime” në Instagram, teksa në mbishkrimin e videos ka shkruar plot fjalë të përzemërta pë kolegen, që njëherit është edhe rivalja e mikeshës së saj të ngushtë Rozanës. /Telegrafi/