Sondazhi: Qytetarët e duan Glauk Konjufcën në pozitën e presidentit, kurse LDK-së thonë se i takon kryeparlamentari

Pyper ka realizuar një sondazh lidhur me bisedimet që po bëhen mes Lëvizjes Vetëvendosje dhe Lidhjes Demokratike të Kosovës, për arritjen e një koalicioni qeverisës. Nga 1 mijë respodentë, 80.65% janë optimist rreth arritjes së kësaj marrëveshje.

Ndërsa, 38.51% e pjesëmarrësve kanë deklaruar se është e drejtë e LVV-së për ta kërkuar edhe pozitën e presidentit, ndërsa kandidati më potencial për pozitën e presidentit nga LVV, është Glauk Konjufca, transmeton Telegrafi.

“Së pari, vlen të theksohet se 38.51% e pjesëmarrësve kanë deklaruar se është e drejtë e LVV-së për ta kërkuar pozitën e presidentit dhe kandidati më potencial nga radhët e LVV-së për këtë pozitë është cilësuar Glauk Konjufca (34.74%). Ndërkaq, se kjo e drejtë i takon LDK-së janë pajtuar 14.97% e pjesëmarrësve ku edhe kandidatja potenciale për presidente është cilësuar Vjosa Osmani (39.06%) duke u pasuar më pas nga Isa Mustafa (12.5%)”, thuhet në sondazhin e realizuar nga Pyper.

Kurse 43.8% e pjesëmarrësve në sondazh kanë konsideruar se pozita e kryeparlamentarit duhet t’i takojë LDK-së, kurse për LVV kanë thënë 29.46 %.

Sipas sondazhit të Pyper përgjegjës kryesor për mosarritjen e marrëveshjes deri tani konsiderohet LDK-ja (45.38%), duke u pasuar më pas nga LVV-ja (14.97%), ndërkaq rreth ⅕ e pjesëmarrësve konsiderojnë që të dy partitë janë përgjegjëse për gjendjen e tanishme politike, pra për mosarritjen e një marrëveshje që është me rëndësi të madhe për vendin. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).