Solomon shpëtimtari i Gjilanit

Skuadra e Gjilanit ka mposhtur Malishevën në udhëtim me rezultat 0:1. Gjilani arriti që të shënoj fitoren e parë pas pesë ndeshjeve.

Golin e vetëm në këtë takim e shënoi Theophilius Solomon në minutën e 51-të. Malisheva e pati rastin e artë për ta barazuar rezultatin, përmes penaltisë, por goditjen e Shillovës nga pika e bardhë e ndali me këmbë portieri Koliqi.

Gjilani me këtë fitore kthehet në pozitën e tretë me 18 pikë, ndërsa në mesjavë takohet me Drenicën.