Solomon i Ballkanit i jashtëzakonshëm, për katër minuta mposhtë Dritën

Në javën e 13 të Superligës së Kosovës në futboll, skuadra nga Suhareka, Ballkani, ka mposhtur Dritën me rezultat 2-0, për të rimarrë kreun e tabelës së klasifikimit.

Futbollisti më i mirë sot në fushë sulmuesi Solomon ishte enigmë e pa zgjidhur për futbollistët e Dritës, i cili
me dy golat e tij i dhuroi skuadrës së tij tri pikë të reja për të rimarrë lidershipin në tabelë.

Në pjesën e parë skuadra vendëse Ballkani kishte më tepër nga loja, por të dy skuadrat nuk rrezikuan seriozisht
portat kundërshtare.

Në pjesën e dytë “portokallinjët” e Ballkanit, ishin një skuadër krejtësisht tjetër.
Në minutën e 54 sulmuesi Solomon me lehtësi arriti ta zhbllokon rezultatin duke e mposhtur Faton Malokun e Dritës, 1-0.

Katër minuta më vonë, Solomon edhe një herë del në skenë dhe mposhtë për të dytën herë Malokun me gol të jashtëzakonshëm për 2-0.

Për golin e dytë, arbitri Genc Nuza është këshilluar me VAR-in dhe konfirmon se goli ishte i rregullt.

Tek Drita raste shënimi pati Simonovski në minutën e 72 e 90 në të parën portieri Frashëri mbron ndërsa në rastin e
dytë topi përfundon jashtë portës.

Ndërsa mbrojtësi Cuculi në minutën e 88 në vend të portës godet shtyllën e portierit Frashëri.

Në minutën e 91-të, Jashari i Dritës ndëshkohet me karton të kuq pas ndërhyrjes së pa lejuar të tij.

Pas 13 javëve Ballkani pozicionohet në pozitën e parë me 22 pikë, ndërsa Drita në pozitë të dytë me dy pikë më
pak.

Në ndeshjen e ardhshme, Drita e pret Drenicën në Gjilan./rajonipress/