“Soliteri” i Gjilanit do të shkëlqej shumë shpejt, do të rrezatoj si njëri nga objektet më domethënëse për këtë qytet

Gjilan – Më shumë se 70 familje që jetojnë në këtë gjigant të Gjilanit i janë gëzuar fillimit të punimeve, për ta fasaduar dhe kthyer, në një gjendje tërheqëse këtë objekt, me të cilin edhe identifikohet e krenohej Gjilani dikur. Edon Shkodra mbikëqyrës i punimeve nga “AVAG GROUP” SHPK thotë se punimet po shkojnë mbarë e mirë, mendoj shumë shpejt qytetarët e Gjilanit, do ta shikojnë krejt ndryshe për nga pamja dhe zbukurimi bukuroshen e qytetit.

I njohur si Soliteri i Gjilanit për një kohë të shpejt pas luftës kishte pësuar, dëmtime të mëdha në hapësirat e jashtme. Dikur më vonë u krijuan edhe rreziqe për shkak të ramjes së fasadës nga katet e larta.

Banuesit e saj dhe kalimtarët e rastit e lutnin zotin, që kjo ndërtesë gjigante të merrej në duar të sigurta dhe të izolohej sikurse objektet moderne.

Tashmë kompania “AVAG GROUP” SHPK me të gjitha kapacitetet ka nisur fasadimin e ndërtesës derisa drejtuesit dhe mbikëqyrësit e saj thonë se shumë shpejt kjo bukuroshe e Gjilanit do të marrë një formë të bukur dhe shumë tërheqëse.

Edon Shkodra i cili është mbikëqyrës i punimeve tha për rajonipress se ndërtesa për shkak të lartësisë i ka edhe rreziqet e veta, por ne po mundohemi, që ta bëjmë më të mirën e mundshme dhe jam i sigurt se punimet, do të kryhen shpejt dhe në mënyrë profesionale.

“Kemi të angazhuar punëtor të mirë dhe profesionist, që e njohin këtë fushë specifike. Soliteri do të rregullohet e zbukurohet ashtu siç e meriton një ndërtesë identifikuese. Gjilani njihet për këtë objekt si një trashëgimi e bukur dhe ne duhet të kujdesim ta mirëmbajmë si duhet” tha Shkodra.

Shkodra dhe se ky investim po bëhet në bazë të kontratës publike kornizë e njohur si Kontrata “Mirëmbajtja teknike e Objekteve” kurse punëkryes është “AVAG GROUP SHPK”.

Shkodra i cili është një profesionist shumë i shkathët dhe njohës i mirë, i ka hequr të gjitha dilemat për mënyrën e izolimit të ndërtesës.

Ai duke përshkruar interpretimin nga menaxheri i ndërtimit, i specifikuar në veçanti nga izolimet në objektet e vjetra (izolim mbi izolim) saktëson:

Kur kemi izolim mbi izolim në fasadën e jashtme të një objekti, pra kur vendoset një shtresë e re izolimi mbi një ekzistuese, duhen ndjekur disa rregulla teknike dhe praktike që garantojnë siguri, jetëgjatësi dhe efikasitet termik, ku në vazhdim janë disa prej tyre:

• Vlerësimi i izolimit ekzistues
  • Duhet kontrolluar gjendjen fizike të izolimit të vjetër (lagështia, dëmtimet, ndarja nga muri, myku etj.).
  • Nëse ka dëmtime serioze ose nuk ka ngjitje të mirë me strukturën, rekomandohet heqja e tij.
  • Nëse është në gjendje të mirë dhe i thatë, mund të përdoret si bazë për izolimin e ri.
• Ngjitja dhe fiksimi mekanik
  • Përdoret ngjitës special për izolim mbi izolim, me aderencë të lartë (p.sh. poliuretanik ose ngjitës çimentoz i përforcuar).
  • Vendosja e tipllave është i domosdoshëm për të mbajtur të dy shtresat të lidhura mirë me murin.
  • Minimumi 6-8 tiplla/m², në varësi të lartësisë së objektit dhe erës.
• Hidroizolimi dhe mbrojtja nga lagështia
  • Para izolimit të ri, sigurohu që shtresa ekzistuese është e thatë dhe nuk ka ujë të bllokuar brenda.
  • Përdoret shtresa përforcuese dhe rrjetë qelqi për të siguruar stabilitet dhe shmangie të çarjeve.
  • Fundi (finishi) duhet të jetë i papërshkueshëm nga uji, por gjithashtu i frymë marrshëm për të lejuar avullimin.
• Veshja përdoren (dekorimi)
  • Mund të përdoren llaqe dekorative si:
  • Silikonike(të qëndrueshme dhe me frymëmarrje të mirë)
  • Akrilike(më ekonomike, por më pak rezistente ndaj lagështisë)./rajonipress/