Solidariteti i kompanisë “AR KATANA” nuk ka të ndalur, mbi 400 pako ushqimore për familjet skamnore

Gjilan – Muhamet Ajrullahu pronar i kompanisë “AR KATANA” të mërkurën ka nisur shpërndarjen e mbi 400 pakove ushqimore për familjet skamnore. “E ndiej vërtet për obligim që të solidarizohemi me të gjitha ato familje që e ndiejnë mungesën e ushqimit në sofrën e ditës së Bajramit. Gati gjatë tërë muajit të Ramazanit kemi ndihmuar dhe përkrahur familjet nevojtare” thotë Muhamet Ajrullahu.

Rreshti ishte i gjatë para selisë së kompanisë “AR KATANA’ për të marrë pakot ushqimore familjet nevojtare. Shtresa të ndryshme të shoqërisë kërkojnë dhe marrin këto ndihma, që një pako kap vlerën e 70 eurove.

Muhamet Ajrullahu pronar i gjigantit të ndërtimit thotë për rajonipress se ndihet i lumtur që ka mundësi ta përkrah këtë kategori. “Unë ndiej edhe keqardhje për çfarë situata jemi ardhë si shtet dhe shoqëri, por në anën tjetër jam krenar që po kam mundësi me ju dal në ndihmë familjeve skamnore. Mbi 400 pako ushqimore do të dhurohen, duke mos harruar këtu edhe ndihmat dhe kontributet tjera që kemi dhënë gjatë gjithë muajit të Ramazanit” u shpreh Ajrullahu.

Ajrullahu tha se të gjithë ata që kanë mundësi të ndihmojnë në këtë drejtim është mirë të solidarizohen sepse vetëm kështu e tregojmë shpirtin tonë human e solidar./rajonipress/