Solemnitet për hapjen e shkollës shqipe në Melbourn

Ditë më parë në Melbourne të Australisë është hapur një shkollë me mësim plotësues në gjuhën shqipe. Ambasadori i Kosovës në Australi, Sabri Kiçmari, ka marrë pjesë në solemnitetin e hapjes së shkollës, ku veç tjerash ka dhuruar abetaren në gjuhën shqipe. Lidhur me këtë, ai ka bërë një postim në facebook.

Ditë më parë në Melbourne të Australisë është hapur një shkollë me mësim plotësues në gjuhën shqipe. Ambasadori i Kosovës në Australi, Sabri Kiçmari, ka marrë pjesë në solemnitetin e hapjes së shkollës, ku veç tjerash ka dhuruar abetaren në gjuhën shqipe. Lidhur me këtë, ai ka bërë një postim në facebook.

«Mora pjesë në ceremoninë e hapjes së shkollës shqipe në Melbourne. Ju dorëzova Abetaren e Përbashkët Shqipëri – Kosovë dhe literaturë tjetër plotësuese. Mësimi i gjuhës shqipe është një investim shumë i rëndësishëm për të ardhmen e fëmijëve tanë. Nxënësit do të mësojnë për kulturën dhe historinë tonë kombëtare dhe do ta ndjejnë veten krenarë për përkatësinë e tyre kombëtare.

Falënderime institucioneve australiane të arsimit për mbështetjen e mësimit shqip. Falënderime të veçanta për mësuesin, prindërit dhe organizatorët për iniciativën, përkushtimin dhe angazhimin. I ftoj bashkatdhetarët në gjithë Australinë dhe Zelandën e Re që të ndjekin këtë shembull. Të gjithëve ju konfirmoj mbështetjen e Ambasadës së Republikës së Kosovës për mësimin e gjuhës, historisë dhe kulturës kombëtare shqiptare», shkruan ambasadori Kiçmari./albinfo/