Sokol Haziri thirrje qytetarëve: Vota e 7 qershorit është vendim për të ardhmen e Kosovës

Gjilan – Kryetari i Aleancës për Ardhmërinë e Kosovës (AAK) në Gjilan, Sokol Haziri, ka bërë thirrje për pjesëmarrje masive në zgjedhjet e 7 qershorit, duke i ftuar qytetarët e Gjilanit dhe të gjithë Anamoravës që të shfrytëzojnë të drejtën e tyre demokratike për të përcaktuar drejtimin e ardhshëm të vendit.

Përmes një mesazhi drejtuar qytetarëve, Haziri ka theksuar se dita e zgjedhjeve përfaqëson një moment të rëndësishëm për Kosovën, ku secila votë ka peshë dhe ndikim në ndërtimin e institucioneve dhe politikave që do të udhëheqin vendin në vitet e ardhshme.

Ai ka kërkuar mbështetje për Aleancën për Ardhmërinë e Kosovës me numrin 128, duke e cilësuar këtë subjekt politik si një alternativë të përkushtuar për zhvillim, përfaqësim të denjë dhe forcim të shtetit. Sipas tij, qytetarët nuk duhet të qëndrojnë indiferentë ndaj proceseve demokratike, por të marrin pjesë aktivisht në vendimmarrje.

“Vota juaj është zëri juaj për zhvillim, përfaqësim dhe një Kosovë më të fortë. Mos lejoni që të tjerët të vendosin në vendin tuaj”, ka theksuar Haziri, duke ftuar qytetarët që më 7 qershor të mbështesin AAK-në.

Mesazhi i tij përmbyllet me një thirrje për unitet dhe përgjegjësi qytetare, me bindjen se Gjilani, Anamorava dhe e gjithë Kosova meritojnë një të ardhme më të sigurt, më zhvillimore dhe më përfaqësuese./rajonipress/