Sokol Haliti voton me familjen, fton qytetarët për pjesëmarrje me qetësi dhe përgjegjësi

Viti – Kryetari i Viti, Sokol Haliti, ka ushtruar të drejtën e votës së bashku me familjen e tij, duke përcjellë një mesazh për rëndësinë e pjesëmarrjes në procesin demokratik.

Përmes një postimi të publikuar pas votimit, Haliti u bëri thirrje qytetarëve që të marrin pjesë në zgjedhje me qetësi, përgjegjësi dhe dinjitet, duke theksuar se fuqia e shtetit buron nga angazhimi i secilit qytetar.

“Bashkë me familjen, e ushtruam të drejtën tonë demokratike të votës. Ju ftoj të gjithëve që të votoni me qetësi, përgjegjësi dhe dinjitet, sepse Republika jonë bëhet më e fortë me pjesëmarrjen e secilit”, ka shkruar ai.

Mesazhi i Halitit vjen në ditën e zgjedhjeve, duke nënvizuar rëndësinë e kulturës demokratike dhe pjesëmarrjes aktive të qytetarëve në vendimmarrje.

Ai ka inkurajuar votuesit që ta shfrytëzojnë të drejtën e tyre për të kontribuar në forcimin e institucioneve dhe të demokracisë në vend./rajonipress/