Sokol Haliti uron qytetarët për Kurban Bajram: “Kjo festë na afron më shumë me vlerat e solidaritetit dhe humanizmit”

Viti – Kryetari i Komuna e Vitisë, Sokol Haliti, ka përcjellë urimet më të sinqerta për të gjithë besimtarët islamë me rastin e festës së Kurban Bajramit, duke uruar që kjo ditë e shenjtë të sjellë paqe, shëndet, harmoni dhe begati në çdo familje.

Në mesazhin e tij urues, Haliti theksoi se Kurban Bajrami bart në vete vlera të larta njerëzore dhe fetare, duke rikujtuar rëndësinë e solidaritetit, sakrificës, respektit dhe kujdesit për njëri-tjetrin. Ai apeloi që në këto ditë feste të mbizotërojë fryma e dashurisë, mirëkuptimit dhe afërsisë mes njerëzve, si mënyrë për të forcuar bashkëjetesën dhe humanizmin në shoqëri.

“Uroj që Kurban Bajrami t’ju gjejë pranë më të dashurve tuaj, me zemër të mbushur me gëzim, shpresë dhe mirësi”, ka theksuar ndër të tjera Haliti në urimin e tij drejtuar qytetarëve të Vitisë dhe gjithë besimtarëve islamë./rajonipress/