Sokol Haliti promovon projektet në infrastrukturë, qytetarët thonë se është koha e zgjedhjeve
Viti – Sokol Haliti ka promovuar asfaltimin e rrugëve në Smirë dhe në vet qytetin e Vitisë derisa qytetarët thonë se tani është koha e zgjedhjeve dhe akuzojnë qeverisjen komunale se cilësia e asfaltit është shumë e dobët.
Të premtën Sokol Haliti ka promovuar asfaltimin e rrugës tek varrezat në fshatin Smirë dhe bashkë me një grup të rinjsh ka marrë pjesë në këtë ngjarje kurse gjithashtu është asfaltuar degëzimi i rrugës “Dëshmorët e Kombit” në qytetin e Vitisë.
Por këto punime në infrastrukturë dhe asfaltime të rrugëve nga këndi i qytetarëve po shihen si promovime në prag të zgjedhjeve.
Qytetarët thonë se tani është koha e zgjedhjeve dhe qeverisja komunale po i promovon nga dy tri here të njëjtat projekte derisa cilësia e asfaltit sipas tyre është shumë e dobët.
Për cilësinë e dobët të asfaltit qeverisej komunale më herët e kishte akuzuar opozitare Taulant Haxhiu i cili ka kërkuar nga Prokuroria e Gjilanit një hetim rreth këtyre tenderëve./rajonipress/