Sokol Haliti priti Ambasadoren e NDI-së, Nancy Soderberg, në kuadër të “Javës së Gruas 2026”

Viti – Kryetari i Komuna e Vitisë, Sokol Haliti, ka pritur sot në zyrën e tij ambasadoren e National Democratic Institute, Nancy Soderberg, në kuadër të aktiviteteve të “Javës së Gruas 2026”, e cila këtë vit ka nisur nga Viti.

Gjatë takimit, kryetari Haliti uroi mirëseardhje përfaqësuesit e NDI-së, duke vlerësuar bashkëpunimin e deritanishëm dhe kontributin e partnerëve amerikanë në mbështetje të proceseve demokratike, zhvillimit institucional dhe avancimit të demokracisë në Kosovë.

Në fokus të diskutimit ishte fuqizimi i rolit të gruas në shoqëri dhe institucione, thellimi i bashkëpunimit ndërinstitucional, si dhe angazhimet e përbashkëta për zhvillimin lokal, përfshirjen qytetare dhe promovimin e vlerave demokratike.

Me këtë rast, Haliti e falënderoi ambasadoren Soderberg për vizitën dhe mbështetjen e vazhdueshme që National Democratic Institute dhe partnerët ndërkombëtarë japin për Kosovën dhe Komunën e Vitisë./rajonipress/