Sokol Haliti po merr pjesë në konferencën e dytë rajonale për Ballkanin Perëndimor

Viti – Kryetari i Komunës së Vitisë, Sokol Haliti po merr pjesë konferencën e dytë rajonale të programit ReLOaD – “Përmirësimi i transparencës dhe llogaridhënies drejt përmirësimit të demokracisë lokale në Ballkanin Perëndimor”, që po mbahet në Tiranë të Shqipërisë.

Bëhet me dije se kjo ngjarje ka për qellim vazhdimin e shkëmbimit të praktikave, përvojave dhe mësimeve të marra për forcimin e transparencës dhe llogaridhënies në lidhje me financimin e Organizatave të Shoqërisë Civile në nivelin lokal.

Në këtë konferencë është paraparë të marrin pjesë përfaqësues nga Shqipëria, Bosnja dhe Hercegovina, Kosova, Maqedonia e Veriut, Mali i Zi dhe Serbia.

Përndryshe kjo konferencë është organizuar në kuadër të Programit Rajonal për Demokracinë Lokale në Ballkanin Perëndimor (ReLOaD) ndërkaq ai financohet nga Bashkimi Evropian dhe zbatohet nga Programi i Kombeve të Bashkuara për Zhvillim (UNDP)./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).